Qapı açılması — çilingər üsulu ilə, zərərsiz

Çilingər qapını necə açır

İş baxışla başlayır. Silindr (ingilis tipli), suvalda, krest və çoxnöqtəli mexanizmlərin hər birinin öz açılma yolu var — alət də, vaxt da ona görə seçilir.

Silindr kilidlərdə əsas üsul intellektual açmadır: xüsusi alətlə daxili pinlər bir-bir tutulur və mexanizm açarla açılırmış kimi dönür. Bu üsulda kilid salamat qalır, açılışdan sonra onu dəyişdirmək lazım gəlmir.

Mexanizm sınıbsa və ya blokdan çıxıbsa, yalnız silindr çıxarılır və yerinə yenisi quraşdırılır. Qapı polotnosuna yenə toxunulmur.

Kəsmə nə vaxt tətbiq olunur

Kəsmə son çarədir və yalnız sizin razılığınızla olur. Zirehli qapıların bəzi modellərində, blokdan çıxmış riqel sistemlərində və ya kilid daxilində yad cisim olanda başqa yol qalmır.

Belə halda çilingər əvvəlcə bunu izah edir: nə kəsiləcək, bərpa mümkündürmü, yeni mexanizm nə qədər başa gələcək. Qərar sizindir.

Sənəd tələbi

Açılış yalnız mənzilin sahibinin və ya rəsmi icarəçinin iştirakı ilə aparılır. Şəxsiyyət vəsiqəsi və obyektə aidiyyəti göstərən sənəd (kupça, icarə müqaviləsi, qeydiyyat) təqdim edilməlidir. Sənəd olmadan çilingər işdən imtina edir.